Լալան ու Արան մանկական խաղերու խմբակը համագործակցութեամբ «Ողկոյզ մը պատմուածք»ի, որոշած է, ընթերցուած պատմութիւնները հրապարակել նաեւ Լալայի ու Արայի կայքէջի եւ ֆէյսպուքեան էջի միջոցով։
Այսուհետեւ մանկապատանեկան գեղեցիկ պատմութիւնները կրնաք ունկնդրել այցելելով նաեւ մեր կայքէջը։
«Ողկոյզ մը Պատմուածք»ը (կարճ՝ Ողկոյզ) կը ներկայացնէ հայերէնով ընթերցուած պատմուածքներ: Առաջին հանգրուանին ընթերցումի կտորները քաղուած պիտի ըլլան Լեւոն Շանթի կազմած «Մանկական Աշխարհ»ի շարքէն: «Ողկոյզ»ի նպատակն է՝ հաճելի ընթերցումներու ճամբով, ուրախութեան պահեր ստեղծել մանուկներուն ու պատանիներուն համար եւ իրենց մօտ յառաջացնել հետաքրքրութիւն՝ դէպի ընթերցանութիւն եւ հայերէն գիրք:
